Geguritan

 Geguritan kuwi yen dideleng saka asal tembunge yaiku saka tembung Gurit, kang artine Tulisan utawa tatahan. yen saka arti kuwi geguritan isa diartekake minangka Tulisan kang dadi karyane sawijining pawongan.

Yen miturut bausastra basa jawa, saliyane nduweni arti tulisan gurit uga nduweni arti kidung utawa tembang. dadi geguritan uga isa diartekake Tembang utawa kidung kang dadi karya saka sawijing pawongan.

Geguritan uga bisa kasebut puisi kang nganggo basa jawa. Geguritan kuwi kalebu salah sijine Sastra jawa gagrag modern, nduweni wujud kang bebas utawa ora kaiket paugeran kaya dene macapat. dadi wujud geguritan kuwi ora nduweni guru gatra, guru wilangan lan guru lagu. 

kanggo luwih jelas, neng ngisor iki ana tuladha geguritan lan tembang macapat kang isa koksinaoni.

Tuladha geguritan :

             DONGAKU

             Dening : Puguh C. Wibowo

 Sembah sujudku marang Gusti

Amung lumantar tangis kang ora nggegirisi

Ing wengi lan sepi kang dadi kancane ati

Kidung kang ditembangake angin lan bumi

Isih setya nunggoni nganti urip iki nduweni arti

Mati aku, Mati atiku

Awit biyen aku budhale

Tekan kene mung kari akhire

Ilang muspra apa-apa kang dadi semangate

Lara rasane

Ati mung kari wadhahe

Merga ra ana kang gelem ngrungokake

Perkara mati kuwi wis dadi wajibku, yen...

Urip wis ora ana gunane

 

 Tuladha Macapat :

Kinanthi

Ing sasmita amrih lantip,
Aja pijer mangan nendra,
Kaprawiran den kaesthi,
Pesunen sarira-nira,
Sudanen dhahar lan guling.